Saturday, June 23, 2018






ყველა ადამიანს საკუთარი წილი რომანტიკა გააჩნია , ის რაც მისთვის ამაღლებულ , ემოციურ დამოკიდებულებას ქმნის. ჩემთვის მოგზაურობა და მოულოდნელი თავგადასავლები,  ყველაზე დიდი რომანტიკაა. მოკლედ , რომ ვთქვათ მძაფრი, სასიამოვნო შეგრძნებები.

მდინარე დონაუ 

ვენიდან დაახლოებით ერთი საათის  და 26 წუთის სავალ გზაზე ,   მდინარე დუნაის მარცხენა სანაპიროზე ძველი მევენახეობის ქალაქი "Spitz" -ი მდებარეობს , როგორც ადგილობრევები ამბობენ Wachau -ს  გულში . ეს ქალაქი  მთაზე შეფენილი ვენახის ბაღებითა და  რენესანსის, ბაროკოს სტილის სახლებით გამოირჩევა. ადგილობრივ ოჯახებს სახლებში, საკუთარი ღვინის საწარმოები აქვთ.



ამ რომანტიკულ გზაზე,  ულამაზესი ხედები იშლება , ვენახებით, ჩუმად მოლივლივე მდინარით და გარგრის ბაღებით, სადაც შეგიძლიათ ჭიქა ღვინოსთან ერთად ჩამავალი მზით და ფერადი პეიზაჟებით დატკბეთ.  კარგი ღვინის პოვნა იქ არ გაგიჭირდებათ. ;)


"ვახაუ ტერასა"- ზღვის დონიდან 315 მეტრი 

"Spitz" -ში გაზაფხულზე აღმოვჩნდი, მაშინ, როცა გარგრის ულამაზესი ხეები ყვაოდნენ, ვენახებს ოდნავ კვირტები უჩანდათ  და მდინარე დუნაი ლურჯად ლივლივებდა.  ჰაერს გაზაფხულის სურნელი ასდიოდა.

გარგრის ბაღი




შთამბეჭდავია ქალაქის მთავარ მოედანზე არსებული მე-15 საუკუნის გვიან გოთურ სტილში აგებული  ეკლესია. ძირითადი ღირსშესანიშნაობაც ესაა ამ ქალაქში, ასევე ვენახები და სახლების უძველესი  არქიტექტურა, მაგრამ თავად ამ რეგიონში, რაც რამდენიმე პატარა ქალაქის აერთიანებს სანახვი ბევრია. თუმცა,  ეს დროს და ფინანსებს უკავშირდება. :)



გოთური ტიპის ეკლესია -"Pfarrkirche"


2001 წელს, მთელი Wachau  იუნესკოს მსოფლიო მემკვიდრეობის ძეგლად გამოცხადდა. ამ რეგიონის ძირითადი ქალაქები არიან: Spitz-ი, Weißenkirchen-ი და  Dürnstein-ი, რომელთაც  მსოფლიო მემკვიდრეობის სტატუსი აქვთ.

სახლების არქიტექტურა რელიგიური დეტალებით


თუ იქ მოხვდებით აუცილებლად გასინჯეთ, საფირმო გარგრის ჯემი, ასევე უგემრიელესი გარგრის ფუნთუშა და "Holunderblütensirup"- (ანწლის ყვავილების სიროფი), სვამენ წყლით შეზავებულს , ლიმნით და ასევე ამატებენ ალკოჰოლურ სასმელებშიც, რაც მართლაც არომატული და უგემრიელესია.

ცნობილია, რომ ამ ქალაქში მოგზაურობისთვის ყველაზე კარგი პერიოდი გაზაფხული და ზაფხულის მიწურულია. როდესაც უკვე გარგარის მოსავალს იღებენ და ყურძენი მწიფეა, როცა  ზაფხულის მიწურულია და შემოდგომის მოსვლა იგრძნობა, სადაც გზაზე მივამავალ ბილიკებზე მზეზე  მოელვარე ყურძნის მტევნები ქარვისფრად იმზირებეიან და ფოთლებს შეფარული სიყვითლე ოქროსფერ ატმოსფეროს ქმნის.

კითხვის გაგრძელება →

Monday, June 11, 2018



ნოიშვაინშტაინის სასახლე  /  Schloss Neuschwanstein


აგვისტოს მიწურული იყო, ჩემი შვებულება ბოლო დღეებს ითვლიდა. გულდაწყვეტილი ვფიქრობდი, რომ ნოიშვაინშაინის სასახლის ნახვა წელსაც ვერ შევძელი. ზოგჯერ დრო არ მქონდა, ზოგჯერ ფინანსები . აკვიატებულმა აზრმა მთელი ღამე არ მომასვენა, რაღაც ჩამძახოდა:  „ან ახლა ან არასოდეს.“ 





მიუნხენში გადაუღებლად წვიმდა, მთელი კვირის პროგნოზი წვიმიანი იყო. გაუცნობიერებლად, ავტომატურად ინტერნეტში შევედი და ფუსენის მიმართულებით მატარებლის ბილეთების ფასებს და წასვლა-წამოსვლის დროებს გადავხედე.  გავიგე,რომ მატარებელი მიუნხენიდან პირდაპირ ფუსენის სადგურზე ჩავიდოდა, იქედან კი ავტობუსი უნდა მეპოვნა, რომელიც უშუალოდ შვანგაუში სასახლემდე ამიყვანდა. შემდეგ კი, ფეხით საკმაო მანძილზე უნდა  მევლო, რადგან სასახლე მთებში მაღლობზეა და ავტობუსი იქამდე არ ადის.



უამინდობის გამო წასვლა არც ისე კარგ იდეად მიმაჩნდა, რადგან წვიმისას მთებში ნისლია,გარემო ნაცრისფერი და იმ ულამაზესი ხედების  ნახვაც ვერ მოხერხდებოდა.

დილით ისევ სასახლზე ფიქრში გამეღვიძა. ავიღე ტელეფონი და მეგობარს დავურეკე. ვკითხე, ჰქონდა თუ არა სურვილი ჩემთან ერთად ფუსენში წამოსვლის. უამინდობის გამო ის თავს იკავებდა. ჩემი სურვილი ჩემზე ძლიერი იყო. მეგობარს დასარწმუნებლად „პეპი გრძელიწინდა“ გავახსენე . J




-ახლა ხომ წვიმსპეპი, - გაუკვირდა ტომის,
წვიმის დროს ვინ რწყავს ყვავილებს?
-მე ვრწყავ, უპასუხა პეპიმ.
 -მე იქნებ მთელი ღამე გავათენე იმაზე ოცნებაშიდილას როგორ მოვრწყავდი ყვავილებს,და ამ ქეციანი წვიმის გამო ოცნება ვერ უნდა ავისრულო?






ხედი სასახლიდან 

ამგვარად დავიყოლიე. სასწრაფოდ სადგურზე გავიქეცი და მეორე დილისთვის პირველივე რეისის მატარებლის ბილეთები ავიღე. ასე სპონტანურად გავემგზავრეთ.


დილით იქ ჩასვლისას წვიმდა, მთებზე ნისლიც იყო. თუმცა, შუადღისას წვიმა შეწყდა, ცა მოიწმინდა და თეთრი ღრუბლები ალაგ- ალაგ დაპენტილი ბამბასავით  აქეთ-იქეთ გაფანტა.  ნილის ჩრდილებს შორის მომწვანო მთები გამოჩნდა.


ნელ-ნელა ფეხით მთებში ზევით და ზევით მივიწევდით. მიუახლოვდით თუ არა ნოიშვაინშტაინის სასახლეს დავრწმუნდით ჭეშმარიტებაში, რომ ეს სასახლე ბაიერნის მეფის ლუდვიგ II მიერ, მართლაც ცხადში შექმნილი ზღაპარია.


შესასვლელი ბილეთების რიგი გრძელი იყო, სადღაც ორი საათი ვიცადეთ, მაგრამ ამად ღირდა. სასახლეში  გადაღების უფლება არ მოგვცეს. თუმცა , იქ  არსებული რესტორნის კადრების დაფიქსირება, მაინც შევძელი. 


სასახლეში შესასვლელი ბილეთები
ნოიშვაინშაინის სასახლეში არსებული რესტორანი 

ხედი სასახლიდან


შიგნით გასაოცარი ატმოსფეროა, დრო ჩერდება და XIX საუკუნის პერიოდში გვამოგზაურებს. სასახლის ოთახები, საიდუმლო გასასვლელები. უდედესი ხელოვნების , ფუფუნების და სიმდიდრის ნაზავია.  მართალია, ნოიშვაინშაინის  მშენებლობამ  სახელმწიფო ხაზინა სეიროზულად დააზარალა, მაგრამ ლუდვიგ II  ამ სასახლის სახით დედამიწაზე საკუთარი ხორცშესხმული „ოცნება“ დატოვა, რომელიც ბაიერნის საზღვრებს გასცდა და არაერთი ხელოვანის შთაგონების წყაროდ იქცა. ეს სასახლე  ჩაიკოვსკის მუზა იყო "გედების ტბის" შექმნისთვის. ასევე, მისივე შთაგონებით  დისნეის ზღაპრებიც შეიქმნა. მონარქმა დასრულებულ სასახლეში სიცოცხლის მხოლოდ ბოლო ორი წლის გატარება შეძლო. 

ჰოენშვანგაუს სასახლე/ Schloss Hohenschwangau

ხედი ჰოენშვანგაუს სასახლიდან 



ნოიშვაინშაინის მოპირდაპირე მხარეს მდებარეობს ჰოენშვანგაუს სასახლე, სადაც მეფე ლუდვიგ II  გაიზარდა. ჰოენშვანგაუს ულამაზესი ბაღი აქვს, შადრევნებით, წყაროებით და საუცხოო მცენარეებით მორთული.






ჰოენშვანგაუს სასახლის ბაღი



ფუსენი, სადაც ჯადოსნური სასახლე მდებარეობს , გერმანია- ავსტრიის საღვარზეა. მთებშია ჩაფლული და  ულამაზესი ბუნებით,  ხედებით გამოირჩევა. 



თუკი იქ მოხვდებით, „მარიენბრუკეს“ ხიდზე აუცილებლად გადადით, ეს ხიდი ორ კლდეს შუაა მოქცეული, ქვევით კი წყალუხვი მთის მდინარე მიედინება.  „მარიენბრუკედან“ მთელი ქალაქი მოსჩანს და სასახლის განსაკუთრებულად შთამბეჭდავი მხარე სწორედ იქედან შეგიძლიათ დაინახოთ.

მარიენბრუკეს ხიდი /Marienbrücke

ქალაქის ხედი მარიენბრუკედან
სასახლის ხედი მაირიენბრუკედან


 ფუსენი  შუასაუკუნეების გაცოცხლებული ისტორიაა თავისი არქიტექტურით, განსაკუთრებით, მომხიბვლელია უძველესი სახლები, სასტუმროები. ქალაქში ეტლში შებმული ცხენებითაც გადაადგილდებიან, რაც ტურისტებისთვის კიდევ უფრო ეგზოტიკურ გარმოს ქმნის.


ბაიერნის მეფეების მუზეუმი



სასახლის და ქალაქის დასათვალიერებალად,  ერთი დღე კმარა, მაგრამ სხვა,  ფუსენში არსებული მუზეუმების სანახავად მეტი დრო და თანხებია საჭირო.



მახსოვს, სკოლის მოსწავლე ვიყავი, როცა პირველად ეს სილამაზე ტელევიზიით ვნახე. მამას ვკითხე, თუ სად იყო ეს  ჯადოსნური ადგილი და მანაც ამიხსნა. მაშინ მჯეროდა, რომ ამ ზღაპრეთში ოდესღაც მოვხვდებოდი, ახლა კი იქ ვარ...  ( 01.09.2017) 


კითხვის გაგრძელება →